مرتضى منصور يهاجم امام عاشور: عامل الزمالك كوبري للانتقال لبيراميدز

هاجم مرتضى منصور رئيس نادي الزمالك المعزول بحكم قضائي، امام عاشور لاعب فريق ميتيلاند الدنماركي، مؤكدا بأنه يتخذ النادي الأبيض (كوبري) من اجل الانتقال لنادي بيراميدز، خلال الميركاتو الصيفي لاجاري.

وقال مرتضى منصور في فيديو نشره على صفحته الرسمية عبر يوتيوب: الحاج محمد حافظ والد زوجة (حما) إمام عاشور تواصل معايا وقالي هجيبلك إمام عاشور الساعة 10 بليل في الفيلا عندك.

وأضاف: إمام عاشور لو عاوز يرجع ييجي يمضي وإحنا هنتفاوض مع ميتلاند الدنماركي، وفريقه وضعه في معسكر الفريق استعدادًا للموسم الجديد.

وواصل: إمام عاشور بعدها أوصل زوجته إلى منزل والدها قال وكيلي هو اللي هيتفاوض مع الزمالك.. إمام عامل الزمالك كوبري عشان بيراميدز يعلي الصفقة وياخد مرتب كبير وانا بقوله بلاش تلعب معايا.

ووجه مرتضى منصور رسالة الى جمهور الزمالك قائلاً بالنص: يا جمهور الزمالك من يريد أن يبقى ذليل عند لاعب يذهب لـ تقبيل (لا مؤاخذة)، لكن ملوش علاقة بالزمالك بعد ذلك، وبالنسبة لكل من يقوم أقول لهم أنا من صنعت لكم كرامة.. وانتم ليسوا جمهور الزمالك، لان جمهور الزمالك عنده كبرياء.

ثم وجه رساله الى حسين لبيب رئيس اللجنة السابقة التى كانت تدير النادى قائلا: سمعت انه عمل حوار فى برنامج اسمه كلاب هاوس.. الكلاب معروف انها بتهوهو، وهو فرحان بالـ 30 عيل اللى كانوا حواليه، بص ياابو بنطلون أصفر انت انت مريض نفسى، وعمال تنزل بيانات وبلاش انا.